بھلا تھیوی بھلا کر گئی

بھلا تھیوی بھلا کر گئیں،،،
دل اچ درد اولّا کر گئیں،،،

تیڈے وعدے ایں تاں ناں ہن،،،
درد دی بھیڑ اچ کلہا کر گئیں،،،

پل ڈو پل دی مہلت گھن کے،،،
میکوں سٹ ترسلہ کر گئیں،،،

تیکوں ایویں ٹھہندی نا ہئی،،،
پیار دی کھیڈ اچ پلّہ کر گئیں،،،

دل تاں رب دا گھر ہوندا ہے،،،
دل کوں پاگل جھلہ کر گئیں،،،

بُھل کے قول وفا دے سانول،،،
غیریں نال تو رلّا کر گئیں،،،

اچھا صابر خوش پیا وسے،،،
دل دا سنج محلہ کر گئیں،،،

بھلا تھیوی بھلا کر گئیں،،،
دل اچ درد اولّا کر گئیں،،،

Khosa Brotheri Avatar

Posted by

Leave a Reply

Create your own website, free on WordPress.com.Create your own website.
Start free